Temur Po‘latov

Yozuvchi Temur Poʻlatov 1939-yilda Buxoroda tugʻilgan. Buxoro Davlat pedagogika institutini, Moskvadagi kinossenaristlar oliy kursini bitirgan. Uning dastlabki qissasi (“Ne xodi po obochine”) 1964-yilda “Zvezda Vostoka” jurnalida chop etiladi. Shundan soʻng u yaratgan qissa va romanlar Toshkentda, Moskvada rus va oʻzbek tillarida nashr etila boradi. Adibning “Boʻlak manzilgohlar”, “Bolalar xori”, “Dushan qaysarning koʻrgan-kechirganlari” 70–80-yillar adabiyotida sarguzasht janri taraqqiyotiga hissa boʻlib qoʻshildi. Shuningdek uning “Buxoro xonadonining kechmishlari”, “Mulk”, “Kunda-shunda”, “Gʻoyibning ikkinchi safari”, “Yetti huzur-halovat va qirq qaygʻu alam”, “Gʻoyibning qaytishi”, “Taroziy toshbaqasi” kabi oʻnlab yirik epik polotnolari kitobxon tomonidan iliq qarshi olingan. Temur Poʻlatov 1986-yilda oʻzining “Mulk”, “Gʻoyibning ikkinchi safari”, “Kunda-shunda” qissalari va “Buxoro xonadonining kechmishlari” romani uchun Hamza nomidagi Davlat mukofotiga sazovor boʻlgan. 1989-yilda esa unga Oʻzbekiston xalq yozuvchisi faxriy unvoni berilgan.