Syuy Dishan (许地山) – xitoylik yozuvchi. Asl ismi Syuy Szan-kun. 1922-yili Pekin universitetini tamomlagan, Kolumbiya, London va Hindistonda ham tahsil olgan. Adabiyotni oʻrganish jamiyati asoschilaridan biri. Uning majoziy asarlari – “Huvillagan togʻlardagi ajoyib yomgʻir”, “Mehnatkash oʻrgimchak” toʻplamlariga jamlangan hikoyalarida romantik va diniy ohanglar uchraydi. Yozuvchi buddizm va daosizmni tadqiq etgan olim sifatida ham tanilgan. “Daosizm tarixi”, “Hind adabiyoti tarixi” kitoblari uning qalamiga mansub. Ijodining ilk davri – oʻtgan asrning 30-yillarida yozilgan asarlarida realizm uslubi seziladi.