Sotim Ulug‘zoda

Sotim Ulugʻzoda (1911. 11. 9, Chust – 1997, Dushanba) – tojik yozuvchisi, dramaturg, adabiyotshunos. Tojikiston Fanlar akademiyasi muxbir aʼzosi (1951). Toshkent Oʻqituvchilar institutini tugatgan (1929). 2-jahon urushi qatnashchisi. Tojikiston Yozuvchilar uyushmasi boshqaruvining 1-kotibi (1944 –46).
Ijodi 1930-yildan boshlangan. “Oʻt ichida” dramasi (1944)da xalqning fashizmga qarshi kurashi tasvirlangan. “Himmatli doʻstlar” (1947), “Yoshligimiz tongi” (1951) qissalari, “Izlovchilar” komediyasi (1951) oila muammolari haqida. “Yashnagan diyor” (1953) romani urushdan keyingi yillar qoʻriq va boʻz yerlarni oʻzlashtirishga bagʻishlangan.
Sotim Ulugʻzoda “Ibn Sino” (1953), “Shoir qismati” (1957), “Rudakiy” (1958), “Vakila” (1960) kinossenariylari, “Gavhari shamchiroq” (1962) komediyasi, “Voseʼ” romani (1967) muallifi.
Asarlari oʻzbek tiliga tarjima qilingan.