Sobir Oʻnar

Sobir Oʻnar 1964-yili 25-fevralida Samarqand viloyatining Qoʻshrabot tumanida Quvkalla qishlogʻida tugʻilgan. 1981-86-yillarda hozirgi OʻzMUning jurnalistika fakultetida tahsil olgan. 2022-yil 18-dekabrda Toshkent shahrida vafot etgan.

“Yoshlik” jurnalida 1986-yilda muharrir, boʻlim muharriri, bosh muharrir oʻrinbosari 1993-2015-yillarda jurnal bosh muharrir vazifasida, 2015-yilda bir muddat “Kuch adolat” gazetasi va “Gʻafur Gʻulom”, (2016-2017) “Yoshlar” (2017-2019) nashriyotida, 2020-yildan umrining oxiriga qadar Oʻzbekiston Yozuvchilar uyushmasining “Nasr” boʻlimida faoliyat olib borgan.

1989-yilda Sobir Oʻnarning ilk kitobi – “Orzuga toʻla qishloq”  hikoyalar toʻplami Choʻlpon nashriyotida chop etilgan. Shu yili u Yozuvchilar uyushmasi aʼzoligiga qabul qilingan. 1990-yilda “Ovloq adirlar bagʻrida”, 1991-yilda “Chashma” kitoblari dunyo yuzini koʻrgan.

Keyingi yillarda u “Inqilob kechasi”, “Dunyo shundoq tururmi?”, “Bibisora” kabi qissalar eʼlon qildi. 2006-yilda “Chambilbelning oydalasi”, 2011-yilda “Bibisora” qissa va hikoyalar toʻplami, 2016-yilda esa “Farishta”, “Kunsuluvning sirli xatlari” (2021) hikoyalar, “Oldinda yongan mayoq” (2020) maqola va esselar toʻplamlari kitob holida  chop etilgan.

Sobir Oʻnarning qissa va hikoyalari koreys, xitoy, qozoq, rus va ingliz tillariga tarjima qilingan.

Sobir Oʻnarning turk, rus, Lotin Amerikasi adiblari ijodidan qilgan bir necha hikoya va qissalar tarjimalari oʻzbek kitobxonlariga yaxshi tanish. U qoraqalpoq adibi X. Tojimurodovning “Ov hangomalari” (1990) hamda turk yozuvchisi Bakir Yulduzning “Karbalo fojiasi” qissasini oʻzbek tiliga tarjima qilgan.

Yozuvchi 1993-yilda har yili mustaqillik kunida yosh ijodkorlarga berilajak “Davlat mukofoti” sohibiga aylangan. 2022-yilning avgust oyida “Doʻstlik ordeni” bilan taqdirlangan.