Sidoni-Gabriel Kolett XX asr birinchi yarmi fransuz adabiyotining eng mashhur vakillaridan biridir. Uning avtobiografik romanlari turkumi, hayvonot olamiga bagʻishlangan qissa va hikoyalari, ayniqsa, ishqiy mavzudagi romanlari oʻz davrida juda mashhur boʻlgan. U adiba ayollardan birinchi boʻlib Sharafli legion ordeni bilan taqdirlangan va Gonkur adabiyot akademiyasining aʼzosi va prezidenti maqomiga sazovor boʻlgan edi. U 1954-yili vafot qilganida, bir paytlar Viktor Gyugo musharraf boʻlganidek, uning dafn marosimi umummilliy miqyosda oʻtkazilgani ham adiba erishgan shuhrat darajasini koʻrsatadi.