Shoyim Bo‘tayev

Shoyim Boʻtayev 1959-yil 20-iyunda Tojikistonning Oʻratepa tumaniga qarashli Maydoncha qishlogʻida tugʻilgan. Xoʻjand Davlat pedagogika institutining tarix-filologiya fakultetini tugatgan (1982). Ilk qissasi – “Sirli yulduzlar” (1984). Shundan soʻng yozuvchining “Dunyoning sarhisobi bor” (1988), “Endi bari boshqacha” (1990), “Shamol oʻyini” (1995), “Kunbotardagi bogʻ” (1997), “Hayot” (2000), “Koʻchada qolgan ovoz” (2005) kabi qissa va hikoyalardan iborat toʻplamlari nashr etilgan. “Qoʻrgʻonlangan oy” (1996), “Shox” (2007) kabi romanlar muallifi. “Doʻstlik” ordeni bilan taqdirlangan (2001).