Shomirza Turdimov 1957-yil 13-dekabrda Samarqand viloyati Qoʻshrabot tumanidagi Qoʻshtamgʻali qishlogʻida tugʻilgan. 1979-yili Toshkent davlat universitetining filologiya fakultetini tamomlagan. Hozirda Alisher Navoiy nomidagi Til va adabiyot institutining folklor boʻlimida ishlaydi. Filologiya fanlari doktori. 2007-yili “Yoʻl boʻlsin” filmi ssenariysi uchun Oʻzbekiston Davlat mukofotini olgan.”Goʻroʻgʻli dostoni genezisi va tadrijiy bosqichlari” (2011) kitobi nashr etilgan. “Etnos va etos” kitobi chiqish arafasida. Folklorga oid 200 yaqin ilmiy maqolalari Oʻzbekiston va chet-el ilmiy nashrlarida chop etilgan.