Shodmonqul Salom 1980-yil 23-dekabr kuni Surxondaryo viloyati, Qumqoʻrgʻon tuman, Ketmonchi qishlogʻida tugʻilgan. 2003-yil Termiz davlat universitetining Kimyo fakultetini tugatgan. 2003—2005-yillarda Oʻzbekiston Milliy universiteti Qarshidagi Oliy adabiyot kursida oʻqigan.
„Turkiston“, „Oʻzbekiston adabiyoti va sanʼati“, „Chagʻoniyon“ gazetalari, „Saodat“, „Fermer“ jurnallari va „Kitob dunyosi“ gazetalarida faoliyat koʻrsatgan. Hozirda „Maʼnaviy hayot“ jurnalida bosh muharrir oʻrinbosari lavozimida ishlaydi.

Shodmonqul Salomning „Yuraq iqlimi“ (2004), „Koʻngli kitobi“ (2011), „Borligini bilganlar“ (2013), „Koʻngil obidasiga yoʻl“ (nasriy. 2018-yil), „Sheʼr sayyorasi“ (2021), „Tongning iqbolini tilarmen“ kabi kitoblari nashr etilgan. Sheʼrlari turk, rus, tojik, qozoq, qirgʻiz tillariga tarjima qilinib, turli adabiy-badiiy jurnal va almanaxlarda chop etilgan.

2013-yildan beri Oʻzbekiston Yozuvchilar uyushmasi aʼzosi.