Sherzod Komil Xalil 1982-yil 13-sentyabrda Qashqadaryo viloyati Kitob tumanida tugʻilgan. 1999-2003-yillarda OʻzMU falsafa fakultetida bakalavr, 2003-2005-yillarda shu fakultetning magistraturasida oʻqib, zamonaviy gʻarb falsafasi va tarixi magistri darajasini olgan. 2005-2007-yillarda OʻzMU va Oʻzbekiston Yozuvchilar uyushmasi qoshidagi Oliy Adabiyot kursi tinglovchisi boʻlgan. 2005-2009-yillarda Toshkent Toʻqimachilik va yengil sanoat instituti Falsafa kafedrasida oʻqituvchi boʻlib ishlagan. 2009-2011-yillarda OʻzMU falsafa fakultetida Aspiranturada tahsil olgan. 2011-2012-yillarda OʻzMU falsafa fakulteti stajyor-tadqiqotchisi. Hozirda falsafa tarixi boʻyicha doktorlik dissertatsiyasi ustida ish olib bormoqda.