Shavkat Yodgorov 1977-yilda Xatirchi tumanidagi Langar qishlog‘ida tug‘ilgan. 1994-1999-yillarda Mirzo Ulug‘bek nomidagi O‘zbekiston Milliy universitetining falsafa fakultetida, 2000-2003-yillarda O‘zbekiston Respublikasi Prezidenti huzuridagi Davlat boshqaruvi akademiyasi aspirantura bo‘limida tahsil olgan. “Qonun himoyasida” jurnali, “Huquq” gazetalarida faoliyat yuritgan. Ayni paytda “Huquq va burch” jurnali bo‘lim mudiri. 1998-yildan publitsistik maqolalari, qissa va hikoyalari davriy matbuotda chop etib kelinadi.