Said Anvar 1962-yil 6-sentabrda Fargʻona viloyati Bagʻdod tumani Olchin qishlogʻida tugʻilgan. 1983-yili Qoʻqon davlat pedagogika institutini tamomlagan.“Tabassum” radiojurnalida muharrir, Televizion miniatyuralar teatrida katta muharrir boʻlib ishlagan. Ayni paytda “Mushtum” jurnalida boʻlim muharriri. Said Anvar “Oraliqdagi odamlar”, “Otamning oti nimaydi?”, “Muhiddin Darvesh”, “Abdulla qiziq nima deydi?” kitoblari bilan kulgi muxlislariga yaxshi tanish. Yozuvchining “Osmondan tushgan odamlar” komediyasi “Yilning eng yaxshi dramatik asari” nominatsiyasi boʻyicha Oʻzbekiston Yozuvchilar uyushmasining, “Uch kun xoʻroz boʻlganim” kitobi esa, Respublika Matbuot qoʻmitasining mukofotlari sazovor boʻlgan.