Dogʻistondagi kichkinagina avar elining farzandi, XX asr jahon sheʼriyatning yirik vakili Rasul Hamzatov 1923-yilda tugʻilib, 13-14 yoshlaridan boshlab sheʼr yoza boshlagan. 16 yoshida shoir sifatida tanilgan. Otasi – Dogʻistonning mashhur shoiri Hamzat Sadasa unga ijod ishida hamisha haqiqatni kuylashga oʻrgatdi. 18 yoshidan boshlab Rasul oʻqituvchi, artist va muxbir sifatida mehnat qildi, uning buyuk isteʼdodi olamga mashhur qildi. Shoirning birinchi kitobi 1943-yilda chop etilgan. 1945-yilda Moskvadagi Jahon adabiyoti institutida tahsil olishga kirishdi. Rasul Hamzatovga ogʻir xasta ayol maktub yoʻllab: “Meni shifokorlardan, ularning muolajalaridan koʻra Siz yozgan asarlar koʻproq davoladi”, – degan edi. Asarlari: “Togʻ qoʻshigʻi”, “Togʻ qizi”, “Mening qalbim togʻlarda”, “Dogʻistonim”, “Yuksak yulduzlar”, “Tugʻilgan kunim”, “Togʻlikning vatani”, “Ovuldan xat” singari sheʼriy kitoblar, “Ona tilim”, “Shu ham erkakmi?,”, “Doʻstlik haqida qissa” kabi sheʼrlari va boshqa.