Raʼno Roziqova 1953-yil Qirgʻizistonning Jalolobod shahrida tugʻilgan. Oʻrta maktabni Toshkentdagi 42-maktabda bitirgan. Bishkek kooperativ texnikumini tamomlagan.
Qirgʻizistonda matbuotda “Lenin yoʻli”, “Leninskiy put”, “Oʻsh sadosi”, “Jalolobod tongi”, “Diydor” gazetalari, “Oʻsh” xalqaro almanaxida maqola, sheʼr va hikoyalari muntazam ravishda muxlislarga Raʼno Roziqova, Raʼnoxon Roziq imzosi bilan havola etiladi.
Hikoyalari “Sharq yulduzi”, “Aʼlo kayfiyat”, “Xalq soʻzi” nashrlarida chop etilgan.
“Adirdagi qizgʻaldoq”, “Sensan”, “Ikkinchi umr”, “Ayol qalbi” nomli kitoblari bor.
Qirgʻiziston milliy yozuvchilar uyushmasi aʼzosi.