Raimqul Suyarov

Raimqul Suyarov 1984-yilda Samarqand viloyati Nurobod tumani Jom qishlogʻida tugʻilgan. 2005-yili Mirzo Ulugʻbek nomidagi Oʻzbekiston milliy universitetining Oʻzbek filologiyasi fakultetini tamomlagan.
2005-2006-yillarda “Sogʻlom avlod uchun” jurnalida adabiy xodim, 2006-2007-yillarda “Ishonch” gazetasida muxbir, 2007-2013-yillarda “Qishloq hayoti” gazetasida muxbir, boʻlim muharriri, 2013-2014-yillarda “Turkiston-press” axborot agentligi Bosh direktori oʻrinbosari, 2014-yilda “Mohiyat” ijtimoiy-siyosiy gazetasi Bosh muharriri oʻrinbosari vazifalarida faoliyat yuritgan. 2014-yildan “Qishloq hayoti” – Oʻzbekiston Respublikasi ijtimoiy-iqtisodiy gazetasida boʻlim muharriri vazifasida ishlab kelmoqda.
Raimqul Suyarovning “Farzand”, “Oy toʻlgan kecha”, “Rizq”, “Xayrlashuv”, “Qovun pishigʻida”, “Tungi chaqiriq” singari oʻnlab hikoyalari respublika nashrlarida chop etilgan.