Qamchibek Kenja 1946-yil 15-avgustda Andijon viloyatining Izboskan tumanidagi Gurkurov qishlorg'da tugʻilgan. Oʻzbekistonda xizmat koʻrsatgan madaniyat xodimi. ToshDUning filologiya fakultetini tugatgan (1969). Dastlabki sheʼriy toʻplami – “Sogʻinch” (1975). Yozuvchining “Yashil barg” degan birinchi hikoyalar toʻplami esa 1977-yilda nashr etilgan. “Koʻngil koʻchalari” (1979), “Ishqing tushsa” (1981), “Orzumandlar” (1982), “Notanish gul” (1986), “Togʻ yoʻlida bir oqshom” (1987), “Sohildagi suv parisi” (1993), “Qizil gullar” (1995), “Sohibjamol ayol siri” (1996), “Kulgibaxsh umr” (1997), “Boburiylardan biri” (2000), “Baxt qushi yoki ushalgan orzular” (2001), “Xamir uchidan patir yoxud kulcha hikoyalar” (2005), “Saylanma” (1-kitob, 2006) kabi nasriy va sheʼriy asarlar muallifi. Safarnomalar yozgan (“Xind sorigʻa”, “Buyuklar izidan” va boshqa). A. S. Pushkin, X. Xeyne, Sh. Petefi, V. Bryusov, M. Svetlov kabi shoirlarning asarlarini oʻzbek tiliga tarjima qilgan.