Otabek Yoʻldoshev 1984-yil 16-mayda Toshkent viloyati Oqqoʻrgʻon tumanida tugʻilgan. 2001-2005-yillarda Oʻzbekiston Davlat jahon tillari universiteti xalqaro jurnalistika fakultetida oʻqib, 2004-2005-yillarda OʻzDJTU va Koreyaning Chung-ang universitetlari oʻrtasida tuzilgan shartnomaga muvofiq 1-yillik grant asosida koreys diyorida bilim oshirishga muvaffaq boʻlgan. 2006-2009-yillarda Oʻzbekistondagi Koreya Taʼlim markazida tarjimon, 2009-2011-yillarda Koreyaning “Sunjin” transport kompaniyasida tarjimon vazifasida ishlagan. Birqancha maqol va hikoyalari matbuotda chop etilgan.