Oʻrinboy Usmon

Oʻrinboy Usmon 1951-yil 2-noyabrda Tojikistonning Xoʻjand tumanida tugʻilgan. 1973-yili Toshkent davlat universitetining jurnalistika fakultetini bitirgan. 1975-yildan hikoyalari «Sharq Yulduzi», «Yoshlik», «Yosh kuch», «Oʻzbekiston adabiyoti va sanʼati» nashrlarida, “Yoshlik” almanaxida chop etilgan. Birinchi kitobi «Spitamen qotili» nomi bilan 1992-yili Toshkentda nashr etilgan. Shundan keyin adibning Toshkent va Xoʻjanddagi nashriyotlarda «Sinchli uy», «Koʻrgilik», «Anqoning urugʻi» va «Daraxtga doʻngan odam» deb nomlangan kitoblari chop etildi. Oʻrinboy Usmon oʻnlab hikoyalar, «Qishdan oldingi fasl», «Safo chigʻirigʻi» kabi qissalar, «Taʼqib» romani, «Muqaddas», «Qari qiz» va «Osmondan tushgan odam» («Qulf») dramalari muallifidir. Vasiliy Shukshin kabi rus adiblari, Mehmon Baxtiy, Maʼruf Bobojon, Hoji Sodiq kabi tojik yozuvchilari asarlarni oʻzbek tiliga oʻgirgan.