Omon Muxtor

Omon Muxtor (Muxtorov Omon Sulaymonovich) 1941-yil 16-iyulda Buxoroda tugʻilgan. Oʻzbekistonda xizmat koʻrsatgan sanʼat arbobi (1991). ToshDU filologiya fakultetining jurnalistika boʻlimini tugatgan (1964). “Chorlar quyoshli yoʻllar” (1966), “Ohang” (1974), “Yogʻdu” (1979), “Marvarid” (1985), “Shiddat” (1990) sheʼriy toʻplamlar, “Nigoh” (1968), “Qushlar va tushlar” (1971), “Shaharlik kelinchak” (1973), “Hayot darvozasi” (1978), “Bolalikka sayohat” (1984), “Vazifa” (1988), “Oʻlmagan jon” (1995) kabi nasriy asarlar muallifi. “Yillar shamoli” (1976), “Egilgan bosh” (1989), “Ayollar mamlakati va saltanati”, “Ffu” (1997), “Aflotun” (1998), “Toʻrt tomon qibla” (trilogiya, 2001) kabi zamonaviy va tarixiy mavzulardagi romanlari ham bor. Pyesalari Xorazm teatrida sahnalashtirilgan (“Bosh masala” va boshqa). Oʻzbekiston Respublikasi Davlat mukofoti laureati (2009), “Doʻstlik” ordeni bilan mukofotlangan (1997). 2013-yil 10-may kuni Toshkent shahrida vafot etgan.