Oles Gonchar (toʻliq ismi Aleksandr Terentevich) (1918. 3. 4 – Poltava viloyati Suxa qishlogʻi – 1995) – ukrain yozuvchisi. Ukraina Fanlar akademiyasi akademigi (1978). Dnepropetrovsk universitetini tugatgan (1946). “Alplar” (1946), “Moviy Dunay” (1947), “Oltin Praga” (1948) asarlarini oʻz ichiga olgan “Bayroqdorlar” trilogiyasi Goncharga katta shuhrat keltirdi, urush mavzusidagi eng yaxshi asar deb tan olindi. “Tavriya” (1952), “Perekop”, (1957), “Inson va qurol” (1960), “Hayot navosi” (1963), “Dovul” (1970), “Sening tonging” (1980) kabi romanlar muallifi. Asarlari koʻp tillarga tarjima qilingan. “Bayroqdorlar” trilogiyasi (1951), “Hayot navosi” romani (1974) oʻzbek tilida nashr etilgan.