Oldes Leonard Xaksli (Aldous Huxley), ingliz yozuvchisi, Angliyaning janubiy-gʻarbidagi Godalming zaminida dunyoga kelgan. U ijod olamiga Oksford universitetidagi tahsilini tamomlagandan keyingina kirib keladi. Xaksli sheʼrlar, kichik hikoyalar, biografiyalar, adabiyot va sanʼat boʻyicha maqolalar yozadi, biroq yozuvchi koʻproq oʻz romanlari bilan katta shuhrat qozonadi. Oldes Xaksli ayrim asarlarida “oliy jamiyat”ning ikkiyuzlamachiligini ayovsiz tarzda fosh qilib bergan.