Nodir Normatov

Nodir Normatov 1950-yil 24-dekabrda Surxondaryo viloyati Sherobod tumanining Poshxurt qishlogʻida tugʻilgan. ToshDUning jurnalistika fakultetini tamomlagan (1972).

Dastlabki kitobi – “Koʻhitang hikoyalari” (1977). Yozuvchining “Jazo” (1981), “Ismoil togʻaning tarozisi” (1982), “Jarlikdan qushlar uchdi”, “Bisot” (1986), “Daraxt tagidagi odam” (1988), “Kamalak yashaydigan uy” (1990) kabi asarlari, “Barigal” (1991) romani nashr etilgan. “Sharq miniatyuralari maktablari” kitobi mualliflaridan biri.

Uning “Tomosha” qoʻgʻirchoq pyesasi Jizzax qoʻgʻirchoq teatri jamoasi tomonidan ingliz tilida Amerikaning Nyu-York, Nyu-Jersi kabi shtatlarida namoyish etilgan. “Omonxona moʻjizasi”, “Behzod vorislari”, “Beshik” (2005) hamda “Malik Nabiyev”, “Chingiz Axmarov”, “Poshxurtning oltin poydevorlari” (2006), “Boysunlik Gyugen” (2007) kabi hujjatli filmlar ssenariysi va matnini yozgan.

K. Paustovskiyning “Isaak Levitan”, Nozim Hikmatning “Lomakon” singari asarlarini oʻzbek tiliga tarjima qilgan.

2017-yil 15-aprel kuni Toshkent shahrida vafot etgan.