Nazokat Azim 1975-yili Namangan viloyatining Toʻraqoʻrgʻon shahrida tugʻilgan. 1997-yili Toshkent davlat Sharqshunoslik institutining xalqaro iqtisodiy munosabatlar fakultetini tamomlagan. Evropa Ittifoqi TASIS dasturi loyihalaridan birida tarjimon, Marvel Juise kompaniyasida tarjimon, “Jannatmakon” jurnalida muharrir lavozimlarida ishlagan. Hozirda “Aʼlo kayfiyat” jurnali Bosh muharriri hamda “Bekajon” gazetasi Bosh muharrir oʻrinbosari boʻlib xizmat qilmoqda. Uning “Qahvaxoʻr qizlar” (2009) qissa va hikoyalar toʻplami nashr etilgan. U “Qoʻqon xonligi tarixi” kitobini ingliz tiliga tarjima qilgan. 20 qismli “Orzular fasli” televizion filmi ssenariysi muallifi.