Muxtor Xudoyqulov

Muxtor Xudoyqulov 1937-yil 1-noyabrda Fargʻona viloyatining Rishton tumanida tugʻilgan. Toshkent davlat universitetining jurnalistika boʻlimini tamomlagan (1959). Turli yillarda “Yosh leninchi” gazetasi redaksiyasida adabiy xodim, “Qizil Oʻzbekiston” gazetasida adabiy xodim, Toshkent davlat universiteti jurnalistika fakultetida oʻqituvchi, katta oʻqituvchi, dotsent boʻlib ishlagan. Hozirda Oʻzbekiston Milliy universiteti jurnalistika fakulteti matbuot kafedrasi professori. Uning “Qoya va palaxsa” (1962), “Daryo va poʻkak” (1968), “Zirapcha” (1973), “Qirq masal” (1985), “Oʻylab topilmagan hikoyalar” (1994), “Gabrovo latifalari va hangomalari” (1999), “Otam haqida haqida hikoyalar”, “Kirakashlikning kiroyi hangomalari” kabi kitoblari chop etilgan.