Muxtor Mag‘avin

Muxtor Magʻavin (1940, Chubartau tumani, Semipalatinsk viloyati) – qozoq yozuvchisi, qozoq xalq ogʻzaki ijodi tadqiqotchisi, publitsist. Qozogʻiston xalq yozuvchisi. 1962-yili Al-Forobiy nomidagi Qozogʻiston davlat universitetini tamomlagan. “Qozoq adabiyoti” gazetasi adabiy tanqid boʻlimi rahbari boʻlgan. 1997-yili Turkiya sanʼatchi va yozuvchilari fondining “Turk dunyosidagi ulkan xizmatlari uchun” xalqaro mukofotini olgan. Unga mukofotni 1998-yili Turkiya prezidenti Sulaymon Demirel topshirgan. Muxtor Magʻavin Somerset Moem hikoyalari (1968), Genri Xaggardning “Shoh Sulaymon konlari” (1975) romanini, Nikolay Pogodinning pesalarini qozoq tiliga tarjima qilgan. Kitoblari: “Oq qor, momiq qor” (1969), “Moviy sarob” (1972), “Aka-singillar” (1974), “Tozi itning oʻlimi” (1978), “Chopqir otning halokati” (1978), “Ilon yozi” (1984), “Lirik chekinish” (1986), “Bahorgi qor” (1990), “Qozoq tarixi alifbosi”, “Qoʻbiz ohanglari”, “Qoʻbiz va nayza”, “Notinch vaqt”, “Shaxan-Sher – inson – yoʻlbars”, “Bir otaning farzandlari”, “Qozoq oʻrdasi”.