Muhammad Salom 1938-yil 19-aprelida Buxoro viloyatining Gʻijduvon tumaniga qarashli Choʻgʻalon qishlogʻida tugʻilgan. Alisher Navoiy nomidagi Samarqand Davlat universiteti (SamDU)ning filologiya fakultetini tugatgan 1963). Birinchi hikoyasi – “Meni kechirsang bas” (1961). Ilk hikoyalar toʻplami – “Kechirim” (1969). Shundan soʻng yozuvchining “Yurakdagi izlar” (1970), “Toshloqdagi xazina” (1971), “Sevgi tori” (1973), “Iqror” (1975), “Shifobaxsh koʻllar” (1976), “Dovul” (1977) kabi qissa va hikoyalar toʻplamlari nashr etilgan. “Muvozanat” (1985) romani ham bor. Ayni paytda yozuvchi “Najot” nomli 2 kitobdan iborat romanini yozib tugatdi.