Mishel Byutor

Mishel Mari Fransua Byutor (Michel Butor; 14-sentyabr 1926, Mon-an-Baryol, Nor – 24-avgust 2016, Kontamin-syur-Arv, Yuqori Savoyya) – fransuz yozuvchisi. Novator adib, u adabiy til chegarasini kengaytirish yoʻlida ulkan oʻzgarishlar qilgan. Uning asarlari oʻtgan asrning 50-yillarida Fransiyada yuzaga kelgan yangi roman oqimining mahsuli sifatida baholanadi.
Yozuvchining oʻzi esa Natali Sarrot, Klod Simon, Rob Griye kabi shu oqimning salaflari qatorida tilga olinadi. Lekin Byutorning oʻzi bu taxlit qarashlarni rad etadi. Uning “Milanga eltuvchi yoʻl” (1954), “Vaqtning taqsimlanishi” (1956), “Evrilish” (1957) singari romanlari oʻz vaqtida adabiy tushunchalar, adabiyot olamdagi anʼanaviy “istehkomlar”ni buzishga xizmat qilgan edi.