Miraziz Aʼzam 1936-yil 29-martda Toshkent shahrida tavallud topgan. ToshDUni tamomlagan (1958). “Sevaman” (1977), “Tuygʻular” (1980), “Sabot” (1983), “Haqiqatning koʻzlari” (1988), “Saylanma” (2007) kabi sheʼriy toʻplamlari nashr etilgan. Bolalar uchun ham bir qancha asarlar yozgan (“Aqlli bolalar”, 1969; “Senga nima boʻldi”, 1970; “Gʻalati tush”, 1972; “Er aylanadi”, 1973; “Erga dovrugʻ solamiz”, 1976; “Bir choʻntak yongʻoq”, 1990; “Qirq bolaga qirq savol”, 2000; “Saylanma”, 2005). “Imon” nomli kino-qissasi ham bor (6 qism, 2005). N. Hikmat, Najib Hoji, Maxmat Osif, Ali Oqbosh, Oʻrxon Kanol kabi turk adiblarining asarlarini oʻzbek tiliga tarjima qilgan. Murod Oʻrozning “Turk asotirlari” kitobining tarjimasi uchun xalqaro Mahmud Koshgʻariy mukofotiga sazovor boʻlgan.