Mengliboy Murodov 1942-yilning 15-mayida Navoiy viloyati Konimex tumanidagi Shodibek qishlog‘ida ziyoli oilasida tavallud topgan. Buxoro davlat pedagogika institutida (1961–1966) tahsil olgan.

Mengliboy Murodovning “Mehr” nomli birinchi sheʼriy kitobi 1966-yilda nashr etildi. Shundan so‘ng u “Xosiyatli kun” (2001), “Diydor” (2002), “Yuragimda borin aytdim” (2005) nomli sheʼriy to‘plamlar, “Gunoh” (2008), “Savob” (2011) nomli romanlar, “Mening bola qalbim” (2009) qissasi, hamda “Ko‘ngildagi qo‘shiqlar” (2012), “Umidli dunyo” (2022) kitoblarini yozdi.
Adibning “Gunoh” romani respublikamiz mustaqilligining 17 yilligida o‘tkazilgan “Eng ulug‘, eng aziz” ko‘rik-tanlovida faxrli 3-o‘rinni oldi.