May Ziyoda (مي زيادة) – mashhur arab adibasi. Arab ma’rifatchilik harakatining ilk ishtirokchilaridan. Kelib chiqishi Livandan bo‘lgan adiba umrining asosiy qismini Misrda o‘tkazgan.
Mahalliy maktab va dorilfununda tahsil olgan. Misrdagi Ayollar harakati va arab adibalari haqidagi asarlar muallifi.
May Ziyoda arab tilidan tashqari fransuz, ingliz, italyan va nemis tillarini ham yaxshi egallagandi.
Uning asosiy asarlari: “Yashashdan maqsad”, “Sahro tadqiqotchisi”, “So‘z va yo‘llanma”, “Suvning ko‘tarilishi va qaytishi”, “Zulmat va nur”, “Ko‘z yoshi va tabassum” kitoblaridir.