Misrlik yozuvchi Mahmud Taymur (محمود تيمور) Qohira Arab tili akademiyasining haqiqiy a’zosi. Misr realistik novella janrini boshlab bergan yozuvchilardan. Asarlari 1920-yildan nashr qilina boshlangan. Taymurning ilk ijodiga A. P. Chexov, Gi de Mopassan kabi jahon klassik yozuvchilarining asarlari ta’sir qilgan.
Inqilobiy o‘zgarishlardan so‘ng (1952) Taymur ijodida realistik an’ana ustunlik qila boshladi va u ijtimoiy mavzudagi “Shamrux” (1958) va “Moviy chiroqlar” romanlarini yozdi. Uning hikoya va pyesalar to‘plami, shuningdek, adabiyot tarixi va nazariyasiga bag‘ishlangan qator asarlari bor.