Korrado Alvaro (15. 4. 1895, San-Luka, ‒ 11. 6. 1956, Rim) – italyan yozuvchisi va stsenaristi. 1-jahon urushi qatnashchisi Alvaro Korradoning birinchi kitobi –  «Xaki she’riyati» she’riy to‘plamidir (1917). Alvaroning eng yaxshi asari ‒ « Aspromontdagi odamlar» qissasi (1930) bo‘lib, asarda Kalabriyadagi dehqonlarning fashizm yillaridagi hayoti tasvirlangan. «Qisqa yoshlik» (1946) romani ruhiyat manzaralaridan iborat. «Deyarli butun umr» kitobi (1954) yozuvchining 1927‒47-yillardagi kundaliklari asosida yozilgan.