Klayd Robert Bulla (Clyde Robert Bulla) – amerikalik taniqli bolalar yozuvchisi. 1914-yili Missuri shtatida tug‘ilib, 2007-yili Uorrensbergda vafot etgan. Bullaning ilk kitobi “Eshakarava” (“The Donkey Cart”) 1946-yilda nashr etilgan. Yozuvchi umri davomida bolalar uchun ellikdan ortiq kitob yozdi. Adibning “Skvanto, Oq odamning do‘sti” (“Squanto, Friend of the White Man”) (1954), “Valentin mushugi” (“The Valentine Cat”) (1959), “Pokaxontas va begonalar” (“Pocahontas and the Strangers”) (1971), “Bolalarni asragan sher” (“A Lion to Guard Us”) (1981), “Rojdestvo paltosi” (“The Christmas Coat”) (1989), “Farishtalar makoni” (“A Place for Angels”) (1995) kabi asarlari bolalar tomonidan sevib o‘qilgan va dunyoning ko‘plab tillariga tarjima qilingan. K. R. Bullaning qissa va hikoyalari jahon bolalar kutubxonasining ajralmas qismi sanaladi.