Keris Mas (Kěris Mas) taxallusi, asl ismi Kamoliddin ibn Muhammad) – malayziyalik adib va jamoat arbobi. Paxang sultonligida tug‘ilgan. Indoneziyada o‘qigan. 1956-yildan “Devan Bxasi” jurnali bosh muharriri. Birinchi romani – “Malayya o‘rmoni qahramonlari” (1947).“Muqaddas qurbonlik” (1948) kabi romanlari e’lon qilingan.
Ko‘plab hikoyalar, “Hayot tantanasi” antologiyasi (1962), qator qissa, adabiy va tanqidiy maqolalar, “30-yil adabiyotda” (1979) nomli xotiralar kitobi bor. “50-yillar avlodi” adabiy guruhi asoschilaridan biri.