Jumaniyoz Jabborov

Jumaniyoz Jabborov 1930-yil 25-oktyabrda Qashqadaryo viloyati Koson tumanida tugʻilgan. Oʻzbekiston xalq shoiri (1997). Oʻzbekistonda xizmat koʻrsatgan sanʼat arbobi (1980). ToshDUning filologiya fakultetini tugatgan (1952). «Bahor nafasi» (1956), «Maqsad yoʻlida» (1958), «Subhidam xayollari» (1964), «Sahro sanami» (1967), «Lirika» (1970), «Dostonlar» (1974), «Eʼtiqod» (1978), «Xayolimda oʻzing» (1985), «Koʻnglim goʻzali» (1991), «Ajab dunyo – sevgi dunyosi» (1996), «Yulduzlarda xayolim», «Sevgim samosi» (2006) kabi asarlar yozgan. Nasriy asarlari ham bor («20 kun daftari, 1967; «Sohillar hikoyasi», 1974). M. Yu. Lermontov, Bayron va Firdavsiy («Shohnoma») asarlarini oʻzbek tiliga tarjima qilgan. Dramalar ham yozgan («Oʻjarlar», 1973; «Yillar oʻtib…», 1977; «Neksiya», 2007 va boshqa). Jumaniyoz Jabborov 2010-yil 13-dekabr kuni 80 yoshida vafot etgan.