Jan-Dominik Bobi

Jan-Dominik Bobi (Jean-Dominique Bauby, 23-aprel 1952 – 9-mart 1997) – fransuz jurnalisti, ssenarist, yozuvchi, ELLE France jurnalining bosh muharriri.
Jan-Dominik Bobining “Skafandr va kapalak” nomli asari, avvalo, choʻng bir iztirob, soʻngra esa xuddi shunday umidga yoʻgʻrilganligi bilan eʼtiborni tortadi. Ayni kuchga toʻlgan, hayot va ijodda muvaffaqiyat qozonib kelayotgan 44 yoshli dramaturg sira kutilmaganda insultga chalinadi-da, toʻshakka mixlanib qoladi. Lekin u taslim boʻlmaydi. Sogʻlom miya va bittagina koʻz yordamida hayot uchun kurashadi. Chunki qolgan hamma aʼzolar falaj holda: na qimir etadi, na gapiradi va na ovqat yeya oladi. Ishga yaroqli bittagina koʻzi orqali logoped yordamida dunyo bilan muloqotga kirishadi. Buning uchun alifbodan foydalaniladi.