Iqbol Mirzo

Iqbol Mirzo (Iqboljon Mirzaaliyev) 1967-yil 1-mayda Fargʻona viloyati, Bagʻdod tumaniga qarashli Qoʻshtegirmon qishlogʻida tugʻilgan. Oʻzbekiston xalq shoiri (2005). Dastlabki sheʼrlar toʻplami – «Yurakning shakli» (1993). Shundan soʻng shoirning «Koʻngil» (1993), «Seni sogʻinaman» (1994), «Meni eslaysanmi» (2000), «Tanlangan sheʼrlar» (2002), «Qoʻshiqlarim» (2004), «Seni bugun koʻrmasam boʻlmas» (2005), «Sizni kuylayman» (2007), «Agar jannat koʻkda boʻlsa…» (2010), «Vatan haqida qoʻshiq», «Aytgil, doʻstim, nima qildik Vatan uchun?!» (2014) singari kitoblari nashrdan chiqqan. «Shuhrat» medali bilan taqdirlangan (1999).