Husniniso Ahmedova 1959-yil 12-fevralda Tojikistonning Sugʻd viloyati (sobiq Leninobod) Gʻonchi tumanidagi Itorchi qishlogʻida ziyoli oilasida tugʻilgan. 1977-82-yillarda Toshkent Davlat Universiteti (hozirgi Oʻzbekiston Milliy Universiteti) jurnalistika fakultetida tahsil olgan. Tahsilni tugatgach, Sugʻd viloyati televideniye va radiokomitetida, “Qadriyat” gazetasida jurnalistik faoliyat yuritgan.

“Oʻzga hovli havosi”, “Taxayyul” kitoblari nashr etilgan. “Changda qolgan gul” qissasi va qator hikoyalari Oʻzbekistonning “Sharq yulduzi”, “Saodat”, “Sanam”, jurnallarida, Tojikiston davriy nashrlarida, xususan, “Sugʻd haqiqati”, “Qadriyat” gazetalarida, “Nafosat”, “Sugʻd yulduzi” jurnalida chop etilgan. Shuningdek “Qadr”, “Orzulardan ochilgan chechak”, “Nafis soʻz shaydolari”, “Shiru shakar” kabi kollektiv toʻplamlarga uning bir qator hikoyalari kiritilgan.