Haynrix Byoll

Haynrix Teodor Byoll (Heinrich Theodor Böll, 21-dekabr 1917 – 16-iyul 1985) – nemis yozuvchisi va romannavisi. Kyolnda tugʻilgan. Maktabni tugatgandan soʻng gitleryugend tarkibiga qoʻshiladi. 1939-yili xizmatga chaqirilgan yosh Bell Sharqiy va Gʻarbiy frontda kapral lavozimida xizmat qiladi. 1945-yili amerikaliklar tomonidan asirga olinadi.
Urushdan soʻng Keln universitetida oʻqiydi. 1949-yili ilk qissasi «Poyezd oʻz vaqtida keldi» («Der Zug war punktlich») nomi bilan chop etiladi. U 1972-yili u adabiyotdagi xizmatlari uchun Nobel mukofotiga sazovor boʻladi.
Uning «Pichoqli odam» (Der Mann mit den Messern, 1948), «Mening aziz oyogʻim» (Mein teures Bein, 1950), «Qinchangʻi qoʻylar» (Die schwarzen Schafe, 1951), «Qayerda eding Adam» (Wo warst du, Adam?, 1951), «Baleklar tarozisi» (Die Waage der Baleks, 1952), «Bir askar qopchasining tarixi» (Abenteuer eines Brotbeutels, 1953), «Pochta otkritkasi» (Die Postkarte, 1953), «Xoʻjasiz uy» (Haus ohne Hüter, 1954), «Yomon romanlardagidek» (Wie in schlechten Romanen, 1956), «Irland kundaligi» (Irisches Tagebuch, 1957), «Tutqich bermaslar» (Die Spurlosen, 1957), «Doktor Murkening sukuti» (Doktor Murkes gesammeltes Schweigen, 1955), «Katarina Blyumning yoʻqotilgan obroʻsi» (Die verlorene Ehre der Katharina Blum, 1974), «Minalashtirilgan hudud» (Vermintes Gelände, 1982) kabi asarlari mashhur.