Habib Siddiq

Habib Siddiq 1953-yilda Andijon viloyati Andijon tumanining Boʻtaqora qishlogʻida tugʻilgan. 1976-yilda Andijon paxtachilik (hozirgi qishloq xoʻjalik)  institutining Gidromelioratsiya fakultetini imtiyozli tamomlagan. 1976-yildan buyon mazkur institutda ilmiy-pedagogik faoliyat bilan shugʻullanadi. 2001-yildan institut Maʼnaviyat targʻibot markazi rahbari lavozimida xizmat qilgan. Hozirda institut  maʼnaviyat va maʼrifat masalalari boʻyicha prorektori vazifasida faoliyat yuritmoqda. Qishloq xoʻjalik fanlari nomzodi, dotsent. Yetmishdan ortiq ilmiy-ommabop maqolalar va uslubiy qoʻllanmalar muallifi. Turli yillarda uning “Kar quloqqa tanbur”, “Kim oshdi savdosi”, “Toʻqayga oʻt tushsa”, “Bedavo dardning davosi”, “Inglizcha tush” kabi hikoyalar va hajviyalar toʻplamlari, “Hayot yoʻlga oʻxshaydi” nomli publitsistik kitobi chop etilgan. Oʻzbekiston Yozuvchilar va Jurnalistlar ijodiy uyushmalarining aʼzosi. “Shuhrat” medali sohibi.