Grigol Abashidze

Abashidze Grigol Grigorevich [გრიგოლ გრიგოლის ძე აბაშიძე; 1914. 19. 7(1. 8), Chiatura – 1994] – gruzin yozuvchisi. Gruziya Fanlar akademiyasi akademigi. (1979). Dastlabki sheʼrlari 1938-yilda matbuotda eʼlon qilingan.
Ilk poemasi «Qora shaharda bahor» 1938-yili nashr etilgan. «Dushmanlar» (1941), «Georgiy Oltinchi» (1942), «Bayroqlar» (1943), «Engilmas Kavkaz» (1943) poemasi va boshqa asarlari 2-jahon urushi haqida.
Abashidzening «Birinchi tbilisiliklar haqida afsona» (1959), «Uch davrga sayohat» (1961) poemalari, «Oltin uzumzor» (1969) toʻplamiga kirgan sheʼrlari zamonaviy mavzuda. «Lasharela» (1957), «Uzoq tun» (1963), «Karnali» (1969) tarixiy romanlarida Gruziyaning 13-asrdagi hayoti aks etgan.
Abashidze Gruziya Davlat gimni hammualliflaridan.