Gʻozi Rahmon

Gʻozi Rahmon (Rahmonov Gʻozi Mahmudovich) 1947-yil 16-dekabrda Qashqadaryo viloyatining Chiroqchi tumanidagi Langar Ota qishlogʻida tugʻilgan. Qarshi Davlat universitetining filologiya fakultetini tamomlagan (1968). «Chumolilar soʻqmogʻi» (1990), «Mehrim senga, tabiat» (1991), «Oriyat shajarasi» (1994), «Sohibqiron yurtining polvonlari» (1995), «Muvozanat tarozisi» (1997), «Qodir polvonning yurtga qaytishi» (2002), «Langar Ota tarixi», «Qashqadaryo polvonlari kurashi tarixidan» (2006), «Chaqmoqqa aylangan umr» (2007), «Ena soʻz faryodi» (2008) kabi kitoblari nashr etilgan. «El-yurt hurmati» ordeni bilan taqdirlangan (2003).