Gotfrid Keller (1819-1890) – shved adabiyotining klassigi, XIX asrning birinchi yarmida olmon tilida ijod qilgan atoqli yozuvchilardan biridir. Syurix shahrida, hunarmand oilasida dunyoga kelgan Keller yetimlikda o‘sdi, kambag‘allar maktabida tahsil oldi. 1840-1842-yillarda u Myunxenda yashab, rassomchilik bilan shug‘ullandi. 1850-1855-yillarda Keller Berlinda yashadi. Shu yillari u o‘zining eng yaxshi realistik asarlari – to‘rt tomlik “Yashil Genrix” nomli avtobiografik romani, “Zeldvilalik odamlar” nomli novellalar to‘plamini yaratdi.

“Zeldvilalik odamlar” to‘plamida bosilgan “Qishloqlik Romeo va Juletta” qissasi Kellerning eng yaxshi asarigina emas, balki XIX asr shved adabiyotining eng yorqin namunasi ham bo‘lib, u 1858-yildayoq rus tilida e’lon qilingan edi.