Galina Dolgaya 1959-yilda Toshkent shahrida tug‘ilgan. Toshkent davlat xalq xo‘jaligi institutini (hozirgi Toshkent davlat iqtisodiyot universiteti) tamomlagan. Uning “Kuzning xayoliy jozibasi”, “Qora qumlar shiviri”, “Yugurayotgan suvlar qo‘shig‘i”. “Meni kashf et!” kabi nasriy kitoblari chop etilgan.
“O‘rta dengiz ilohlari” romani uchun Buyuk Britaniyada o‘tkazilgan “Open Central Asia Book Forum and Literature Festival” xalqaro tanlovi g‘olibi bo‘lgan. Yevropa Yozuvchilar gildiyasi a’zosi, rus tilida ijod qiladi.