Gabriel Garsia Markes

Gabriel Garsia Markes (Gabriel García Márquez, 1927, Arakataka – 2014, Mexiko) – kolumbiyalik yozuvchi. “El Espektador” gazetasining Bogota va Yevropadagi reportyori. 1959–60-yillarda Kuba “Prensa Latina” agentligining muxbiri. Dastlab ssenariylar yozgan. “Toʻkilgan yaproqlar” (1955), “Polkovnikka hech kim yozmaydi” (1958), “Gʻarazli soat” (1962) povestlari realistik ruhda yozilgan, “Grande-Ona dafn marosimi” (1962) toʻplamiga kirgan hikoyalari fantastikaga boy. “Yuz yil tanholikda” (1967–70) roman epopeyasi Kolumbiya tarixiga bagʻishlangan.
“Vabo va muhabbat” (1985)  romanida folklor va mifologiyadan foydalanib, oʻziga xos milliy ongni tiklashga harakat qilgan. Gabriel  Markesning “Yuz yil tanholikda” (1986)   romani   oʻzbek tiliga tarjima qilingan. Nobel mukofoti laureati (1982).