Fridesh Ernyo Karinti (veng. Karinthy Frigyes Ernő; 25-iyun 1887, Budapesht – 29-avgust 1938, Shiofok) – venger yozuvchisi, Vengriyaning eng koʻzga koʻringan yozuvchilaridan biri. 1902-yili Jyul Vernga oʻxshatma tarzda yozilgan “Er markaziga toʻy sayohati” asarini ilk marta taqdim etgan. Vengriya modernistlarining “Nyugat” (Gʻarb) jurnali bilan hamkorlik qilgan. Fridesh Karinti birqancha sheʼrlar, parodiyalar, hikoyalar, fantastik-hajviy qissa va romanlar, dramalar yozgan.  Alan Miln, Jonatan Svift asarlarini venger tiliga tarjima qilgan. Asarlari: “Qiyshiq oyna” (1912, hikoyalar), “Siz shunday yozasiz” (1912, parodiyalar), “Yosh yigit bilan uchrashuv” (1913, hikoyalar), “Fa-re-mi-doga sayohat” (1915, parodiya), “Kechiring, hurmatli ustoz” (1916, hajviy roman), “Sehrli kreslo” (1918, pyesa), “Xristos va Varrava (1918, felyetonlar), “Kapillariya” (1921, ““Fa-re-mi-doga sayohat”ning davomi), “Sim ustida raqs” (1923, roman), “Buni hech kimga ayta olmayman” (1930, sheʼrlar), “Jannatdan xabar” (1937, hajviy roman), “Bosh suyagim uzra sayohat” (1937, roman-grotesk), “Idishdagi maktub” (1938, tamomlanmagan sheʼrlar).