Irlandiyada tugʻilgan Amerika yozuvchisi. Dublin universitetida oʻqigan. 1852-yili AQShga koʻchib kelgan. Oʻz ijodini sheʼr yozishdan boshlagan. Ijodining soʻnggi davrida hikoya, pyesalar yozgan. Uning qisqa hikoyalari mashhur. Fitz Jeyms OʻBreyn 1861-yili Nyu-York Milliy Gvardiyasiga qoʻshiladi va Kameron lagerida 6 oy xizmat qiladi. 1862-yil 26-fevralda otishmada qattiq yaralanadi va vafot etadi. Fitz Jeyms OʻBreynning doʻsti Uilyam Vinter tomonidan uning sheʼr va hikoyalari toʻplanib, Bostonda chop etiladi (1881). Uning asarlari quyidagi toʻplamlarda jamlangan: “Sheʼr va hikoyalar” (1881), “Brilliant linza” (1885), “Bu nima edi?” (1889), “Fitz Jeyms OʻBreyn hikoyalari toʻplami” (1925), “Fitz Jeyms OʻBreynning fantastik hikoyalari” (1977).