Fayzulla Salayev 1950-yil 1-aprelda Xorazm viloyati Gurlan tumanida tug‘ilgan. ToshDU (hozirgi O‘zMU)ning jurnalistika  fakultetini tamomlagan. «Xorazm haqiqati», «Paxtakorlar ovozi», Xorazm va Qoraqalpog‘iston televideniyesi, Qorqalpog‘iston kitobsevarlar jamiyatida turli lavozimlarda ishlagan.
F. Salayev − filologiya fanlari nomzodi. Berdaq nomidagi Qoraqalpoq davlat universiteti O‘zbek filologiyasi kafedrasi dotsenti lavozimida faoliyat ko‘rsatgan. 2011-yil Toshkentdagi «Muharrir» nashriyotida F. Salayevning qissa va hikoyalari  «Qayting, bulbullar» nomi bilan chop etilgan.