Farmon Toshev

Shoir va nosir Farmon Toshev 1954-yil 6-aprelda Paxtachi tumanda tugʻilgan. 1975-yilda Samarqand Davlat universitetini oʻzbek tili va adabiyoti oʻqituvchisi mutaxassisligi boʻyicha tamomlagan. 1975-1976-yillarda “Zarafshon” gazetasida muxbir, 1976-1981-yillarda “Paxtachi” gazetasining muxbiri, boʻlim mudiri, muharrir oʻrinbosari, 1981-1982 yillarda Samarqand viloyat teleradio qoʻmitasining katta muharriri, 1982-1984-yillarda “Zarafshon” gazetasining muxbiri, targʻibot boʻlimining mudiri, 1988-1990-yillarda “Zarafshon” gazetasi muharririning oʻrinbosari, 1990-1996-yillarda “Oʻzbekiston ovozi” gazetasining Samarqand viloyati boʻyicha muxbiri, 1996-1997-yillarda “Inson va qonun” gazetasining muxbiri hamda “Registon” gazetasining muharriri, 1997-1998-yillarda “Koʻksaroy” gazetasining muharriri lavozimlarida mehnat qilgan. Ayni paytda “Zarafshon” gazetasining bosh muharriri. Oʻzbekiston Respublikasi Oliy Majlisi Senatining Mudofaa va xavfsizlik masalalari qoʻmitasi aʼzosi. 2003-yilda “Mehnat shuhrati” ordeni bilan mukofotlangan.