Farhod Musajonov 1933-yil 19-dekabrda Toshkent shahrida tugʻilgan. ToshDUning sharq fakultetini tamomlagan (1956). Birinchi hikoyasi – “Daradagi qishloqda” (1959). Uning “Oftobni quvalab” (1963), “Boʻsh kelma, Aliqulov!” (1965), “Bir qultum buloq suvi” (1972), “Dushanba, nonushtadan soʻng” (1974), “Bogʻ koʻchamni qoʻmsayman” (1977), “Qilich va soz” (2000), “Lafz” (2003) kabi qissalari va bir qancha hikoyalari bor. Hozirgacha uning “Bahor nafasi” (1964), “Himmat” (1984), “Bogʻ koʻcha” (1987) kabi hikoya va qissalardan iborat 30 ga yaqin toʻplami nashr etilgan. Bundan tashqari u dramaturgiya sohasida ham samarali ijod qilgan (“Oq kabutar”, “Talvasa” va boshqalar). Shuningdek, “Jazirama oftob ostidagi uy”, “Birovning boshi”, “Koʻzlarim yoʻlingda”, “Huvaydo”, “Soʻnmas ziyo” kabi ssenariylar muallifi hamdir.“Shuhrat” medali bilan taqdirlangan (2000). 2013-yil 28-may kuni Toshkent shahrida vafot etgan.