Ernest Seton-Tompson

Taniqli adib va rassom Ernest Seton-Tompson (Ernest Thompson Seton) 1860-yil 14-avgustda Angliyada tavallud topgan. Uning avlodlari togʻliklardan boʻlib, Ernest 6 yoshda ekanligida ularning oilasi Kanadaga koʻchib keladi. Boʻlgʻusi adib shu yerda maktabga boradi, juda koʻp ilmiy-badiiy asarlarni mutolaa qilib tabiat, hayvonlar, inson va tabiat munosabatlarini tasvirlovchi animalist rassom hamda isteʼdodli yozuvchi boʻlib yetishdi. Uning asarlari jahon adabiyoti xazinasidan mustahkam oʻrin egalladi. Asarlari: «Men bilgan jonivorlar», «Quvgʻindilar taqdiri», «Hayvonlar – qahramonlar», «Mitti yovvoyilar», «Rolf oʻrmonda», «Jonivorlar haqida hikoyalar», «Shimoliy hayvonlar hayoti» (2 jilddan iborat), «Yovvoyi hayvonlar hayoti» (4 jilddan iborat), «Yovvoyi yoʻrgʻa» va boshq.«Yovvoyi yoʻrgʻa» hikoyalar toʻplami Togʻay Murod tomonidan 1989-yilda oʻzbek tiliga oʻgirilgan boʻlib, uning asosiy gʻoyasi erkinlik va ozodlikdir.